الرئيسية / عن خرافات

عن خرافات

الخرافة بتتعرف علي إنها الاعتقاد أو الفكرة القائمة على مجرد تخيلات دون وجود سبب عقلي أو منطقي مبني على العلم والمعرفة. وفي الغالب الخرافات بترتبط بتقاليد الشعوب، حيث أن الخرافة هي مجرد عادة تمثل إرثًا تاريخيًا تتناقله الأجيال. وهو معتقد لاعقلاني أو ممارسة لا عقلانية. 

ليه عملنا خرافات ؟

في الغالب معظم اللّي بيقدم محتوى سواء علي الإنترنت أو التلفزيون بيبقى غرضه تسويق شئ ما بالمحتوى اللي بيقدمه ده من أول الأفكار والاتجاهات السياسية والاجتماعية والدينية لحد المنتجات والخدمات المختلفة وده شئ مش سيء في ذاته لكن المشكلة إن أغلبهم للأسف معندهمش ضمير أو غير محترفين…
فبيتم عرض المعلومات ناقصة أو مبالغ فيها لخدمة أهدافهم التسويقية والحاجات المنحازين ليها سواء لهواهم الشخصي أو لمصلحتهم المادية، حتى في مجالات خطيرة جداً زي الطب!

يعني مثلاً اللي بيعالج بالجراحة عايز كل الناس تختار الجراحة، اللي بيعالج بالاعشاب عايز كل الناس تتعالج بالاعشاب وهكذا….

لكن الحقيقة الواضحة جداً ان مفيش لأي مشكلة او احتياج في الدنيا حل عام واحد، لا كل حاجة ليها حلول كتير جداً وبيتم تحديد أنسب الحلول دي علي حسب كل حالة واحتياجاتها وظروفها…

عشان كدة احنا عملنا مدونة خرافات…

خرافات هي مدونة عربية مصرية هدفها تحارب المعلومات المغلوطة أو المنقوصة اللَي منتشرة في المحتوى العربي،
احنا متأكدين ان غالباً الخرافة دايماً بتبقى فيها حاجة صح، لكن المشكلة أنه إما بيتم تكبيرها وتهويلها أو بيتم التقليل منها!
ومش بس هنلقى الضوء على الخرافات ونقول الصح والغلط فيها… لا احنا كمان هنرشح من وجهة نظرنا الحلول الأنسب للمشاكل اللي بنتكلم عنها واللي تقدر تلجألها حسب حالتك…

هدفها كمان إنها تعمل تسويق بالشكل الصح سواء للأفكار أو المنتجات! لأن في الحقيقة هدف التسويق الأساسي إنه يعلم الناس ويوصلهم الأفكار اللّي تساعدهم ياخدوا القرار الأنسب لهم واللي ممكن يكون إنهم يشتروا المنتج الفلاني أو ميشترهوش، يتعالجوا بالطريقة الفلانية أو ميهوبوش نايحتها!

ايوة بالظبط زي ما بقولكم كدة هدف التسويق الحقيقي إنه يخلي الناس اللي مينسبهاش المنتج أو الخدمة اللي بسوقلها ميشتروهاش!
وده مش بس عشان أسباب أخلاقية ممكن تؤدي لمصايب في بعض المجلات زي الطب -وهو سبب كافي تماماً بالمناسبة- لكن كمان عشان مصلحة البيزنس نفسه!
هدف التسويق كمان إنه يوصل لمرحلة  المكسب-المشترك أو الـ Win-Win situation
يعني أنت تكسب كمستخدم وتستفيد عن طريق حل مشكلتك بالطريقة المناسبة ليك والبيزنس كمان يكسب ويستفيد.

واللي نقدر نوعدكم بيه إننا مش هنتكلم غير عن حاجة احنا متأكدين منها دارسينها كويس قدر الإمكان وإننا نحاول نوصل لدرجة مقبولة من الوسطية في عرض المحتوى اللي بنقدمه من غير أي توجيهات مبنية على مصلحة شخصية!

 

تواصل معنا