الإثنين , نوفمبر 19 2018
الرئيسية / خرافات طب عضوي / خرافات دوالي الساقين / الدليل الكامل لـ علاج دوالي الساقين
طرق علاج دوالي الساقين

الدليل الكامل لـ علاج دوالي الساقين

الدليل ده هيساعدك تعرف كل حاجة عن علاج دوالي الساقين ؛ عن أصل المشكلة وحلها، عن أعراضها ومخاطرها، عن ازاي تحمي نفسك من خطر الإصابة، عن الوقاية وعن العلاج، عن طرق علاج دوالي الساقين الحقيقية، وعن طرق العلاج المناسبة لحالتك، وعن الخرافات اللي بتدور حواليها وازاي تعرف حقيقتها وتستخدمها في مصلحتك مش ضدك.

 

  • ما هى دوالي الساقين
  • اعراض دوالي الساقين
  • مضاعفات دوالي الساقين
  • اسباب دوالي الساقين
  • الفحص والتشخيص
  • طرق الوقاية من دوالي الساقين
  • طرق علاج دوالي الساقين
  • كيفية علاج دوالي الساقين بالطرق الطبية
  •  5 خرافات حول علاج دوالي الساقين في المنزل

هل توجد فعلًا طريقة فعّالة لـ علاج دوالي الساقين بشكل نهائي …ولا هى مجرد خرافة آخرى لبيع الوهم للناس؟

علاج دوالي الساقين له طرق كتير ومختلفة. والحقيقة إن الناس اللي بتعاني من دوالي الساقين بتسمع عن طرق علاج كتير، من علاج بوصفات طبيعية، لعلاجات طبية، ورباط ضاغط، لتدخلات جراحية وأدوية… بس دايمًا ميعرفوش ايه الأفضل وبيخافوا من الأعراض الجانبية علشان مفيش معلومات كاملة وواضحة عن أي طريقة من طرق علاج دوالي الساقين
لكن الحقيقة الواضحة جدًا إن مفيش حل عام واحد لأي مشكلة في الدنيا، دايمًا لازم نحدد ونختار الأنسب لحالتنا واحتياجاتها وظروفها…
وده هيخلينا نوضح أصل المشكلة و نتكلم عن طرق علاج دوالي الساقين الحقيقية والخرافات منها، علشان نقدر نعرف الطرق المتاحة وايه اللي ممكن يكون مناسب لحالتنا : )


ما هى دوالي الساقين ؟

دوالى الساقين عبارة عن ضعف في أوردة وصمامات الساق بيخليها تفقد جزء من فعالية وظيفتها -واللي هى نقل الدم من الأطراف للقلب- وبالتالي بيترتب على قصور وظيفتها تراكم للدم في الساق و توسع الأوردة عن حجمها الطبيعي، ويظهر الدم المتراكم في البداية على شكل شعيرات دموية حول الركبة من الخلف أو أسفل الساق، وبتمتد عند كتير من المصابين إلى أعلى الساق…شكل توضيحي لدوالي الساقين وبعد كدة ومع استمرار وجود المشكلة بتبدأ تتطور دوالي الساقين وتظهر على شكل عروق متعرجة نافرة تمتد بطول الفخد أو الساق بتكون لونها أزرق أو بنفسجي غامق…

اعراض دوالي الساقين

  • ظهور العروق البارزة هى إحدى اعراض دوالي الساقين ، ويصاحبها إحساس بالسخونة في مكان العروق…
  • الم في الساق خصوصًا في الجزء السفلي منها، وكذلك حكة في الجلد وقد يتم تشخيصها بشكل غير صحيح على أنها جفاف في الجلد، لكنها بتكون أحد اعراض دوالي الساقين
  • قد يحدث انتفاخ أو تورم القدمين أو الكاحلين.
  • الشعور بوجع أو ثُقل في الرِجل، وكذلك قد يحدث تشنج فيها…
  • تغير في لون الجلد في المنطقة المحيطة بالدوالي.

    لو بتعاني فعلًا من أي عرض من الأعراض دي، فأنت لازم تروح للدكتور للفحص وتشخيص الحالة قبل التطور لمراحل متأخرة ومضاعفات خطيرة…


مضاعفات دوالي الساقين

مضاعفات دوالي الساقين
مع مرور الوقت وعدم اللجوء لدكتور للفحص والعلاج بتبدأ تظهر مضاعفات متقدمة وخطيرة من دوالى الساقين زي :

  • التهاب الجلد، واللي بيبقى عبارة عن طفح جلدي نتيجة حكة شديدة، لدرجة تؤدي إلى نزيف داخلي أو خارجي على سطح الجلد، وبالتالي بيحصل تقرحات في الجلد.
  • كمان دوالي الساقين ممكن تسبب جلطة وريدية بسبب تراكم وتجمع الدم داخل الأوردة، فتتكون الجلطة في الأوردة بالقرب من سطح الجلد، وخطورة جلطة الساق إنها ممكن تتنقل لأي مكان في الجسم زي الرئة مثلًا وتتحول لجلطات كبيرة.


ايه اللي ممكن يكون السبب في ظهور دوالي الساقين من الأساس وتسبب كل المشاكل دي؟؟


اسباب دوالي الساقين


بتلعب الوراثة دور كبير فى إحداث الضعف والخلل اللي بيصيب أوردة وصمامات الساق، وهناك بعض العوامل والأسباب التانية اللي بتساعد في إظهار الاستعداد الوراثي ده زي:
ما هى اسباب دوالي الساقين

  • الوقوف أو الجلوس لفترات طويلة من غير حركة، لأن الدم مش بيتدفق بشكل جيد داخل الأوردة لو فضلت الرِجل في نفس الوضع لوقت طويل.
  • زيادة وزن الجسم عن الوزن الطبيعي، لأن الوزن الزايد بيضغط على أوردة الساق.
  • الحمل واللي بيكون سبب من اسباب ظهور دوالي الساقين ، لأنه بيقلل من تدفق الدم من الساقين للرحم نتيجة تغيير في الدورة الدموية لدعم نمو الجنين، واللي بدوره ممكن يسبب توسع الأوردة في الساقين
    والحمل كمان يعني زيادة الرحم وزيادة الوزن، مما يؤدي إلى مزيد من الضغط على أوردة الساق السفلية وزيادة خطر الإصابة بدوالي الساقين.
    وكذلك التغيرات الهرمونية في الجسم أثناء الحمل ممكن تلعب دور في ظهور دوالى الساقين. وعمومًا دوالي الساقين اللي بتظهر أثناء الحمل بتتحسن بدون علاج طبي بعد 3 شهور لـ 12 شهر من الولادة.
  • استخدام حبوب منع الحمل، أو أي أدوية تسبب تقلبات في مستوى الهرمونات في الجسم قد يكون عامل مؤثر في ظهور دوالي الساقين، لأن تغيرات الهرمونات خاصة الأنثوية زي البروجسترون، بتعمل على توسعة جدران الأوردة، وبالتالي ضعف الصمامات وتراكم الدم في الأوردة.
  • التدخين وكذلك عادات الأكل الخاطئة زي الأطعمة المليئة بالكولسترول والدهون واللي بتأثر سلبيًا على أوعية الجسم بشكل عام.
  • الاصابة بالجلطات الدموية من قبل ممكن تكون السبب في قصور الأوردة.


الفحص والتشخيص

أولى خطوات علاج دوالي الساقين هى تشخيص الحالة ومعرفة مدى إصابتها؛ هل هى في مراحلها الأولى؟ بتعاني من أعراض طفيفة؟ ولا وصلت لمراحل متأخرة ومضاعفات شديدة؟…
وده أساسي لمعرفة الإجراءات المطلوبة وتحديد العلاج الأنسب للحالة. ولتشخيص الحالة بشكل سليم، يجب اللجوء لدكتور متخصص، لكن غالبًا الناس مش بتبقى عارفة تروح لدكتور متخصص في ايه! في حالة الشك في الإصابة بدوالي الساقين؟
الدكتور اللي يقدر يشخص حالات دوالي الساقين بيكون متخصص في حالات الأوعية الدموية؛ أخصائي في الأوعية الدموية أو جراح أوعية دموية.

  • الفحص السريري
    أول حاجة، الدكتور بيفحص رجليك في حالة الوقوف والجلوس، وبيسألك عن الأعراض أو الألم اللي بتعاني منه.
    الفحص السريرى لدوالي الساقين
  • الإجراءات والفحوصات
    تاني حاجة الإجراءات والفحوصات اللي بيطلبها منك الدكتور زي:

    أشعة الدوبلر

    وهى عبارة عن فحص لتقدير تدفق الدم وحركته عبر الأوعية الدموية عن طريق ارتداد الموجات فوق الصوتية خارج كرات الدم الحمراء.
    وأشعة الدوبلر بتساعد في تشخيص جلطات الدم، والكشف عن أي صمامات بتعمل بكفاءة سيئة داخل أوردة الساق واللي بدورها بتسبب تجمع الدم والسوائل الآخرى في الساق بما يسمى القصور الوريدي…


أشعة تصوير الأوعية angiography  
هى أشعة تصويرية بالصبغة لفحص تدفق الدم داخل الأوعية الدموية بشكل تفصيلي، ممكن يطلبها الدكتور منك للتأكد إذا كنت تعاني من دوالي الساقين أو لا…
لإجراء أشعة تصوير الأوعية بالصبغة:

  • عادة بتكون مستيقظ، بتاخد دواء مسكن بس يساعدك على الاسترخاء.
  • بيتم فتح قطع صغير تحت مخدر موضعي بالقرب من الفخذ لإدخال قسطرة -أنبوب مرن رفيع جدًا- في الشريان…
  • بيتم توجيه القسطرة إلى المنطقة اللي هيتم فحصها -اللي في حالة دوالي الساقين بتكون أوردة الساق-
  • بيتم حقن الصبغة في القسطرة، وبتبدأ الأشعة السينية بتصوير لقطات أثناء تدفق الصبغة خلال الأوعية الدموية.
  • يستغرق الإجراء ده من 30 دقيقة لساعتين، وبتقدر ترجع المنزل بعد ساعات قليلة.وتصوير الأوعية الدموية هو إجراء آمن ولا يسبب ألم بشكل عام، لكن بعد الإجراء ممكن تتكون كدمات أو يظهر تجمع دموي صغير جدًا بالقرب من القطع ويستمر لأيام أو أسابيع قليلة ويختفي، وفي احتمال صغير من وجود حساسية للمادة الصبغية.

    طرق الوقاية من دوالي الساقين


    تغيير بعض العادات في حياتنا اليومية بتكون هى أول حاجة بننصح بيها سواء لتجنب الإصابة بدوالي الساقين، أو للتقليل من حدة الإصابة وتخفيف الألم. وبتتضمن التغييرات دي:

    • ممارسة الرياضة بشكل يومي زي المشي والسباحة والحركة عمومًا لتنشيط الدورة الدموية للجسم، وتجنب رفع الأثقال وغيرها من التمارين اللي بتضغط على الرِجل علشان متأثرش عليها بشكل سلبي.
    • تجنب الوقوف أو الجلوس لفترات طويلة من غير تحريك رجلك، ولما تقعد متحطش رجل على رجل.
    • المحافظة على جسمك من زيادة الوزن، لأنها بتأثر على تدفق الدم في الساقين و تضغط على الأوردة.
    • التعود على رفع القدمين عن مستوى الجسم في أوقات النوم أو الراحة لتحسين وتنشيط حركة الدم داخل اوردة الساق

      كيفية الوقاية من دوالي الساقين
    • بالنسبة للنساء، تجنب ارتداء الكعب لفترات طويلة.


    وكوسيلة من وسائل الوقاية والعلاج للمراحل الأولى من دوالي الساقين ، ممكن يوصيك الطبيب بارتداء الشراب الضاغط، واللي بيمنع تجمع الدم وبيقلل تورم الساقين

     

    طرق علاج دوالي الساقين

    في أوقات تانية، الحفاظ على نظام وروتين حياتي صحي مش بيكون كافي للحد أو التخفيف من اعراض دوالي الساقين ، فبيبدأ المصاب بالبحث عن طرق علاج لحل المشكلة وللتخلص من الأعراض المؤلمة والمزعجة.
    بنلاقي إن علاج دوالي الساقين بيتم إما بإزالة الأوردة المصابة أو إغلاقها، وعادة إزالتها تمامًا أو إغلاقها مش بيسبب مشاكل في تدفق الدم في الساق، لأن الدم بيبدأ في التحرك في الأوردة الآخرى الموجودة في الساق.

    طبعًا أنت بتفكر دلوقتي…ازاي ممكن الأوردة المصابة يتم إغلاقها؟
    بيتم إغلاق الاوردة المصابة عن طريق حقن بعض المواد الكيميائية اللي بتعمل على تصلب الأوردة المصابة وغلقها، أو من خلال استخدام الليزر والترددات الحرارية، وبتفضل الأوردة المنغلقة داخل الجسم مش بتسبب أي مشكلة أو بتتلاشى تمامًا بعد فترة.


    كيفية علاج دوالي الساقين بالطرق الطبية

  • العلاج بالأشعة التداخلية
    الأشعة التداخلية هى إحدى طرق علاج دوالي الساقين بدون جراحة وهى عبارة عن إدخال قسطرة داخل الوريد المصاب من فتحة صغيرة طولها من 3-4 مليمترات، وحقنه ببعض المواد الكيميائية العلاجية اللى بتعمل على كوى الوريد وبالتالي انغلاقه، والإجراء ده بيتم تحت تخدير موضعي، وقد يصاحب الإجراء بعض التغييرات في لون الجلد وتستمر لأيام قليلة وتختفي.
    وهي من أحدث وأفضل الطرق في علاج دوالي الساقين لأنها ملهاش أي أعراض جانبية.
    علاج دوالي الساقين بالأشعة التداخلية
  • العلاج بالليزر أو الترددات الراديوية
    علاج دوالي الساقين بالليزر بيكون عبارة عن إدخال قسطرة في الوريد المصاب من خلال فتحة صغيرة في الساق بالقرب من الدوالي، لتوصيل أشعة الليزر أو الترددات الراديوية داخل الوريد المصاب لتوليد الحرارة بداخله، فتعمل بالتالي على انكماشه وانغلاقه، وبيتم الإجراء ده تحت التخدير الموضعي وبيقدر المصاب يرجع بيته في نفس اليوم، بيكون في أعراض جانبية طفيفة زي بعض الكدمات الخفيفة في الساق.
    وأحيانًا بيتم استخدام الليزر بدون أي حقن إبر أو فتحات، فقط تسليط طاقة الليزر على سطح الجلد مكان الدوالي للتخلص من الأوردة غير الطبيعية، لكن في حالات دوالي الساقين البسيطة والدوالي العنكبوتية
  • الجراحة بالمنظار
    علاج دوالي الساقين بإجراء التنظير الداخلي بيتم عن طريق قطع صغير في الساق بالقرب من الدوالي لإدخال المنظار في الويد المصاب، وهو عبارة أنبوب رفيع في نهايته كاميرا صغيرة للتنقل عبر الوريد، وفي نهاية الكاميرا يوجد جهاز جراحي بيتم استخدامه في إغلاق الوريد.
    وعادة ما تُستخدم جراحة الأوردة بالمنظار فقط في الحالات الشديدة عندما تتسبب دوالي الساقين في حدوث تقرحات جلدية -من مضاعفات دوالي الساقين – وبعد الإجراء، يستطيع المريض العودة لحياته الطبيعية خلال أسابيع قليلة بالمتابعة مع الطبيب المعالج.
  • الجراحة
    بيتم فيها قطع الوريد في الجزء المصاب ثم ربطه، عن طريق إدخال سلك طبي مُخصص من خلال فتحة جراحية، و بيتم توصيل السلك ده مع الوريد المصاب وسحبه. وبتتم الجراحة تحت التخدير النصفي أو الكلي، وغالبًا بيتم اللجوء ليها في حالات مضاعفات دوالي الساقين الشديدة، وبتاخد من أسبوع لـ 4 أسابيع للتعافي تمامًا بعد الجراحة.
                                     

    5 خرافات حول علاج دوالي الساقين في المنزل


    علاج دوالي الساقين في المنزل ما هو إلا خرافة، فكل طرق علاج دوالي الساقين طبيعيا هى مجرد طرق وقائية وليست علاجية تمامًا، يمكنك الاستفادة منها فقط في التخفيف من حدة الألم أو الإصابة.

علاج دوالي الساقين بالليمون

  • علاج دوالي الساقين بالليمون
    يعمل الليمون كمضاد للالتهاب ومقوي وريدي، لأن له تأثيرات مقوية ومضادة للالتهاب لجدران الوريد…
    لذا يمكنك تدليك ساقيك بخليط من نقطتين من الليمون، ونقطتين من اللافندر وثلاثة من زيت السرو، وخلطهم في ملعقتين من زيت اللوز الحلو للوقاية من دوالي الساقين أو تقليل حدة الإصابة.

  • علاج دوالي الساقين بالأعشاب (بالزنجبيل)
    تناول الزنجبيل بشكل يومي يحافظ على صحة الأوعية الدموية
  • علاج دوالي الساقين بزيت الزيتون
    يمكنك تدفئة زيت الزيتون واستخدام قطنة في تدليك الساق مرتين يوميًا ولمدة شهرين، يساعد على تسهيل جريان الدم داخل الأوردة المصابة نتيجة لاحتواء زيت الزيتون على أحماض دهنية و فيتامين D التي تعمل على تقوية صمامات الأوردة فتقلل من احتمالية الإصابة بدوالي الساقينعلاج دوالي الساقين بزيت الزيتون

  • علاج دوالي الساقين بخل التفاح
    يمكنك عمل خليط من عصير جزرة ومعلقة من عصير الصبا، ومعلقة خل تفاح، ثم ضربهم في الخلاط واستخدامها في دعك الرجل مكان الإصابة 3 مرات يوميًا ولمدة شهر، للتخفيف من أعراض التهاب الساق وانتفاخ القدمين

  • علاج دوالي الساقين بالطماطم
    يمكنك عصر عدد 2 من الطماطم واستخدامها في تدليك مكان الإصابة في الساق تلات مرات يوميًا ولمدة شهرين، مع عدم إزالة البذور لأنها تحتوي على مضادات للتجلط، لتقلل احتمالية حدوث جلطة الساق بسبب دوالي الساقين

    الخلاصة
    دوالي الساقين مرض زي أي مرض اكتشافه بدري والتعامل معاه بطريقة طبية صحيحة بيوفر كتير من مشوار العلاج، وتجاهل علاجه بيزيد من نسبة خطورته. أما تتبع الخرافات هو ما يسبب كوارث حقيقية. ولو أنت بتعاني من اعراض دوالي الساقين بننصحك بالفحص السريع علشان تتأكد إذا كنت مصاب بدوالي الساقين أو لأ. أنت بعد ما قريت الدليل كامل، هتكون عرفت كل ما يخص دوالي الساقين . لو أنت مصاب فعلًا بدوالي الساقين احكيلنا بتحس بايه؟ وايه الخطوة اللي عايز تاخدها في مشوار العلاج؟

شاهد أيضاً

علاج دوالي الساقين بالاعشاب ، حقيقة أم خرافة ؟

علاج دوالي الساقين بالاعشاب ، حقيقة أم خرافة؟

علاج دوالي الساقين بالاعشاب ، هل ممكن يكون طريقة فعّالة و علاج طبيعي لدوالي الساقين ؟ دوالي …

اعراض ارتفاع الضغط

قبل ما نبدا الكلام فى موضوع  اعراض ارتفاع الضغط  .. خلينى اقولك ان ضغط الدم …

مرض السكر و اسباب مرض السكر

مرض السكر ، وراثة أم عادات خاطئة ؟

قبل ما نقول إن مرض السكر وراثة، وناخد راحتنا في الأكل، لازم نعرف أنواع مرض …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *